Si ta mjekojmë Mjeksinë?
Publisher: Kosovo Foundation for Open Society (KFOS)
Volume: 51 pages, pdf
Description
Sipas Organizatës Botërore të Shëndetësisë, shëndeti është gjendja e mirëqenies së plotë fizike, mentale dhe sociale, e jo vetëm mungesa e sëmundjes dhe dobësisë1. Në Kosovë është harruar kuptimi i vërtetë i fjalës shëndet. Sot, në Kosovë, të jesh i shëndoshë do të thotë pikërisht vetëm të mos jesh i sëmurë, që të mos kesh nevojë për operacion, për kujdes para, gjatë dhe pas lindjes, për kujdes intensiv, për mamografi, radioterapi, citostatikë apo barna, thjesht “mos u bëfsh për mjek!” Sa e rëndësishme është jetëgjatësia si vlerë ndër shqiptarët, që si bazë e ka të domosdoshëm shëndetin më të mirë të mundshëm, reflektohet në thënien “t’u ngjat jeta”, ndërsa për ata të cilët e masin mirëqenien e një populli e njëjta reflektohet në jetëgjatësi, një prej indikatorëve më të rëndësishëm të mirëqenies së një populli.