Periskopi
Publisher: Friedrich Ebert Stifung , Prishtina
Volume: 14 pages, pdf
Description
Gjatë tre viteve të fundit të Kosovës si shtet të pavarur, raporte të njëpasnjëshme, qoftë vendore apo ndërkombëtare, kanë tërhequr vëmendjen se përmasat e korrupsionit po dëmtojnë zhvillimin e vendit po aq sa edhe imazhin e Kosovës në skenën ndërkombëtare. Viti 2010 filloi me raporte për nivele eklatente të korrupsionit dhe krimit të organizuar në qarqet më të larta të udhëheqësisë së vendit. Fundviti ishte edhe më i furishëm. Ajo që filloi me raportin e publikuar nga Raportuesi i Këshillit të Evropës Dick Marty rezultoi në qindra artikuj në mediat më prestigjioze evropiane që flasin për inkriminimin e politikës kosovare. Për t’i vënë kapakun, zgjedhjet e para demokratike degraduan në masën që diplomatë perëndimorë e vlerësuan si “vjedhje industriale të votës”.